第三回——魑魅魍魎客棧授首 安樂寺初遇俏梨花
。通櫃老祖少年時本為江湖郎中，專醫奇難雜症痔瘡便秘
。中年時憑積累多年醫痔瘡便秘經驗，創出《通櫃寶鑑》
。《通櫃寶鑑》分上、下兩冊。上冊分三層，分別修練以
尾指、無名指、中指來通櫃。主要用作治便秘療痔瘡之用
。下冊亦分三層，分別修練以食指、姆指、拳頭來通櫃。
主要用作攻擊敵人之用。當年通櫃老祖收了兩名徒弟，分
別授以《通櫃寶鑑》上、下冊。老祖仙遊後，徒弟二人不
和，通櫃派便從此分裂成兩派。龍盤江東一帶的為修練上
冊一脈，虎踞江西的為修練下冊一宗。雖兩派主張各異，
但本是同根於《通櫃寶鑑》。因此江湖上稱《通櫃寶鑑》
上冊為《小三通》，下冊為《大三通》。金陵名捕狂通百
子櫃便是師承通櫃派《大三通》一脈第四代傳人通櫃道長
。通櫃道長在江湖上享負盛名，當年青山論劍，曾以第三
層大三通拳頭通盡武林各門派高手之櫃。少林方丈方證大
師、武當掌門沖虛道長亦被其通爆櫃而武功盡失。可惜青
山論劍後不久，通櫃道長便身染頑疾而終。原因是通櫃道
長比武後沒有洗手便去青山客棧擺慶功宴，中了沙士劇毒
，毒入五內藥石無靈。因此通櫃道長臨終前便留有遺訓門
規——凡通櫃派弟子，櫃通前必先戴（手）套。
狂通百子櫃已修練到大三通第二層半，能同時以三指通櫃
，功力已在武林高手之列。在龍鳳客棧，狂通百子櫃已用
上第二層姆指通來攻擊武侯，但仍被武侯臀肌反震。只見
現在公堂上的百子櫃徐徐戴上手套，眉頭深鎖地對武侯道
︰「老兄，得罪啦。」
「且慢！」只見老師突然一聲高呼，之後氣定神閒打開紙
扇油然自得的擺動著。留心看下，紙扇上寫著四個大字
『戇撚鳩鳩』，筆法蒼勁雄渾，龍蛇疾走，鐵劃銀，自
非凡品。「打狗都要睇主人臉。」
「敢問老師閣下真實身份係——」百子櫃問道。
「登登登凳，各位，又係我呀～」老師一手把頭上粒著的
藍色底衭拉開。
「企係你地面朝呢位就係大思覺皇朝皇帝，當今天子，眾
人老師，思覺文化始創人，思覺聖上！」小Fing子立即跳
出來擺手介紹著。「你地班草民下官見到聖上親臨仲唔下
跪？」
「賓尼師爺，快Ｄ同我在後堂拎上個月京城送黎既丹青皇
榜出黎。」花生大人吩咐在旁的下屬師爺道。
在花生大人旁的是一個樣貌一看便知非常古惑的師爺。他
應了聲︰「係，大人。」便往內堂走去。一會，只見他拿
著一張京城通告出來交給花生大人。
花生大人立即張開皇榜，把老師樣貌跟榜上丹青互相對照。
「你條撚屌，竟敢大不諱假冒聖上，人黎同我摛佢係地。」
花生怒道。
「大人，呢位當真係當今聖上，我係侍郎毛廿三，果位係
尚書大飲茶大人，呢位就係武侯KK大人。請花生大人查明
清楚。」毛廿三搶出向花生大人道。
「哈，我係黎明，佢係張學友，果個係郭富城，大人就係
劉德華。咁你地又信唔信？哈，哈，哈，哈。」賓師爺出
言譏諷。
「皇上聖容豈能假冒，你地唔係已收到京城既丹青皇榜咩？」
大飲茶大聲質問。
「哼，聖上儀容英偉不凡，呢條肥西柒碌，腫口腫臉，底
衭粒頭，一睇就知戇鳩仔一名，竟然敢同聖上相提並論。
你地唔服既話，可以自己睇下。」花生大人將丹青皇榜交
給一名衙差。
大飲茶從衙差手上接過丹青皇榜，「？李安納度‧卡
比奧？京城幾時欏左張洋人影畫海報黎出皇榜？」大飲茶
震驚道。
「朕叫班奴才幫朕做得好好睇睇，佢地竟然咁搞法。雖然
朕幾鍾意。但呢次俾佢地累鳩死。」老師怒道。
「講多無謂，假冒天子，罪犯當諸。大人請立即將呢班人
就地正法，否則京城怪罪落黎我地擔當唔起。」賓師爺向
花生大人建議道。
「但係事關重大，本官認為先將佢地收監，再行斟酌處置
會較為妥當。」花生大人猶疑道。
「大人，聖上親臨金陵在即，到時俾聖上知道俾條咁既柒
碌假冒佢在金陵行走，影響其在界女界聲譽，定必龍顏大
怒。到時大人恐怕——有所過失。」賓師爺用手在頸上作
了一個橫切手勢。
「師爺講得非常有道理。人黎，將呢班大膽狂徒統統摛低！」
花生大人喝道。
「邊個敢傷皇上！」武侯當即喝道。
「兄台，各為其主。你地都係先行投降，免得拳腳冇眼。」
狂通百子櫃欄在武侯面前道。
「護主有責，今日就算俾子櫃兄隊爆櫃桶，我亦要以命相
搏。」說罷，武侯便衝向百子櫃，兩人即打將糾纏起來。
這時堂上所有官差亦已加入摛人行列，小Fing子、大飲茶
、毛廿三亦已進入戰鬥狀態，堂上刀光劍影，叱之聲不
斷響起。
原來護著老師身旁的小Fing子已因官差壓力給逼離老師數
個身位，而大飲茶和毛廿三亦給纏著欲救無從。
「你條仆街！」說時遲，那時快，老師已給一名官差制服。
「唔想你地老師冇命，就即刻同我停手！」案臺後的花生
大人見情況已受控制即大喝道。
三大臣和小Fing子見老師被擒便唯有俯首投降。
「龍遊淺水遭蝦戲，虎落平陽被犬欺。」武侯不忿道。
「你班仆街竟敢公堂動武。百子櫃，同我先將佢地櫃桶通
爆，以正本官威嚴。」花生大人大聲道。「先由最撚樣衰
果個通起。」
「係，大人。」百子櫃應著。
「你地班仆街竟敢通朕既櫃，朕要屌你地老母臭化西，你
們統統給朕死去好了！」老師狂叫著。
「唔駛驚，唔係好痛咋，吸啖氣忍住，好快就冇野。拿，
乖，係啦，兀高Ｄ個欏柚，唔好曳曳——」百子櫃像個和
藹可親的慈母般呵著老師道。
百子櫃便把老師的底衭脫下，運起《大三通》最高心訣，
準備三指齊通，一舉爆櫃。
「三寸銀龍！？」坐在案臺後的花生大人突然驚叫道。
「百子櫃，指下留櫃——」
「噢——耶～」百子櫃已通入兩吋櫃桶，老師叫著。聽
到叫停的百子櫃便抽出手指，散去《大三通》功力。
「下官知罪，下官罪該萬死，下官罪該萬死。」花生大人
慌忙從案臺後跑到堂上，五體投地的俯服在老師旁邊，頭
上官帽落在一旁。
「聖上三寸銀龍，舉世無雙，軟而不舉，舉而不堅，堅而
不久。哼，而家你終於相信眼前人就係當今聖上。」小Fing
子冷然道。
「下官知罪，請皇上開恩，饒下官一命。」花生大人惶恐
求情道。
「下官也請皇上恕通櫃之罪。」百子櫃跪著說道。
「不知者不罪，你地都係盡忠職守。朕恕你地全體無罪。」
老師穿回衭子後道。
「謝皇上開恩。」大人和各官差跪叩。
「百子櫃，點解頭先你通到半路唔通埋落去？」老師問道
。「原來通櫃咁正，朕個龍櫃俾你通得好爽，可惜你中間
停左。」
「下官不知皇上喜歡通櫃，下官願意一生追隨皇上左右，
一生為皇上盡力通龍櫃。閒時皇上可邊賞花捉棋，邊享受
通櫃之樂。」百子櫃誠懇道。
「呢個主意唔錯，可惜你個樣太驚嚇，朕驚見得多會發惡
夢。不如等朕料理完江南事後，你上京黎傳授小Fing子通
櫃本領。朕自當重重有賞。」老師吩咐道。
「下官定當全心全力傳授小Fing子大人通櫃技巧以報效皇
恩。」百子櫃大聲真意地道。
「一日都係賓師爺教唆本官冒犯皇上。人黎，將賓師爺綁
黎見皇上。」花生大人命令道。
「大人，賓師爺頭先已經襯大人同皇上講緊野時閃左入後
堂。」一名衙差道。
「同我入去捉佢出黎。」花生大人道。
「賓師爺已著草。係佢床頭底發現呢張野。」衙差從內堂
出來後，向花生大人稟報。
花生大人把紙張打開，思覺老師英容躍然紙上。正是京城
發出通行江南各省各縣的丹青皇榜。
「朕一早覺得呢條賓尼好撚古惑，佢係做師爺，應該好撚
有料，一早應該要小心佢。」老師忿然道。
「下官定必將佢輯拿歸案。」花生大人道。
「好，今日既事你唔好講出去。朕唔想出名，唔想人知朕
報官，費事見報。」老師道。
「係，皇上。」花生大人道。「下官現在先備酒菜，等皇
上食完再去微服體察民情。」
待眾人出得金陵縣衙大門，已是酉牌尾更時份。金陵城內
官道大街小巷已開始行人稀疏，但是不少裝飾奢華的馬車
卻於大街上疾馳。這些馬車，十居其九都是朝城西秦淮河
方向馳去。
「老師，今晚我地去邊度過夜？」毛廿三問道。
「龍鳳客棧咁抵，六百文錢一晚天字上房，加送滾水淥腳
，朝早仲送皮蛋瘦肉粥炒麵，我讚成食回頭草。」大飲茶
建議眾人。
「但係果度Ｄ野食好屈質下，蠔餅食落口有沙，午餐肉又
炒唔熱，板藍根飲落又寡口。」武侯不讚同道。
「朕堂堂天子，冇奶油去死一間客棧咁寒酸。小Fing子，
金陵最出名係邊間客棧？」老師向小Fing子問道。
「剛才花生大人俾左奴才一本金陵客棧既名單，裡面詳細
列明金陵城全部各種級數客棧的價錢分類、設備同服務質
素評級，等奴才即刻查閱。」小Fing子急忙打開該本《金
陵客棧大公開》，「金陵既五甲級客棧分別係城西既中國
城客棧同城南既大富豪客棧。呢度寫話，中國城客棧天字
上房設有人力水床、天花板鑲有銅鏡，必定能令閣下賓至
如歸，越戰越勇——，至於大富豪客棧則設有酒池肉林、
貴賓四仔房，另有專業服務員為閣下推拿按摩，不收代支——」
「微臣認為大富豪客棧唔錯，今日頻頻同人過招，真係需
要人推一推拿。」武侯建議道。
「唔，聽落個名幾撚勁，幾襯朕既身份，就呢間。」老師
同意道。
「但係呢度係城北，離城南都幾遠下。」毛廿三道。
「嘶~~~~」突然一輛在大街急行的馬車剎停在各人身旁不
遠處。
「小人夜車，幾位大爺係咪想搭馬車去城南？」馬車伕夜
車回頭大聲問眾人道。
「係呀， 我地想去大富豪客棧投宿。」大飲茶回答道。
「咁岩啦，小人而家都係去緊城南，幾位大爺可以搭小人
馬車前去。」夜車邊把馬車靠眾人移近邊道。
「就搭呢架啦，唔好浪費時間。」大飲茶道，遂當先步向
馬車車廂。
把車簾掀起，發現車內已坐兩名年青男女。只見這兩名男
女在馬車內打著車輪，旁若無人。
「喂，哥仔，咁你即係釣泥猛。」大飲茶向夜車抗議道。
「都係搵餐晏仔唶，將就下啦。況且呢個時辰，你地都好
難截到馬車過城南，好多車伕都已經交曬更。係我夜車先
會咁搏命咁夜仲開車為百姓服務。」夜車解釋道。
「百姓勤奮，值得敬佩，我地都趕時間，算啦。」老師道。
眾人坐定後，夜車馬鞭一揚，馬車便直奔城南絕塵而去。
「飲管哥，你打車輪打得好叻呀。奴家個心肝卜卜跳。」
車上的那名女子道。
「La妹，妳打車輪都打得唔差唶。打到拍拍聲，應快則快
應慢則慢，下下都恰到好處。同妳一齊打車輪實乃人生一
大快事。妳打車輪時果個樣嬌豔欲滴，惹人憐愛。我個心
都真係俾妳整到酥麻麻咁呀。」叫飲管的男子望著那女子
道。
「你地兩個打少陣車輪得唔得？個車輪俾你地咁打落去，
容乜易行到半路甩左，到時炒車邊個負責？」大飲茶怒道。
「唉，而家金陵Ｄ年青人真係越黎越唔似樣，當住陌生人
臉前都夠膽打車輪，完全妄顧馬車乘客安全守則。好多馬
車意外就係咁樣發生。」武侯嘆道。
「管哥，佢地話我地呀。我不依呀。」叫La妹的發嗔道。
「唔好理佢地，佢地成班廢柴唔抵得我地打車輪打得咁叻。」
飲管輕聲道。「妳睇下我買左Ｄ乜野俾你。」
「嘩，係炮仗呀。」La妹高興開心笑著，把飲管成揪炮仗
握在手中把玩著。
「嘻嘻，陣間我同妳去爆房好唔好？」飲管逗著La妹道。
「好呀，上次去雲來客棧，我地爆爛曬佢地Ｄ床舖馬桶，
搞到佢地要換過曬好得意呀。」La妹天真地說。
「今次我帶妳去一間新既客棧，佢地有蒸氣馬桶，爆起上
黎仲好玩過上次。」飲管滿面得色道。「夜車，前面街口
轉角有落。」
當兩名年青男女下車後，夜車繼續馳車往大富豪客棧前進。
「真係冇公德心，打馬車車輪、客棧房間內燒炮仗破壞房
間設施，呢Ｄ咁既不愛護公物行為，佢地兩個竟然當平常
事。」毛廿三批評道。
「朕好想打柒條仔，朕好撚想代替條仔同條女打車輪同爆
房。不過條仔個頭好型，著衫又好好睇，好似仲玩過下小
小健身，條女一定好霖佢。」老師妒忌道。
「主人放心，回到京師後，奴才定必安排後宮妃嬪每日為
主人安排打車輪同爆房節目，必定令主人非常開心。」小
Fing子刷鞋道。
「屌，後宮Ｄ女個個平時訓覺前又唔用李斯德仁浪口，朝
早起身個口冤崩爛臭。平日又食成日薯片魷魚各種零食，
一個二個好似練曬麒麟臂同橫練不死身咁款。朕成日硬唔
到，又玩滴滴仔，都係多得佢地。仲邊有胃口欣賞佢地表
演打車輪同爆房？」老師嘆道。
「老師唔駛擔心，江南雲集天下佳麗，必定有老師心目中
的極品女。」武侯安慰道。
「幾位大爺，我地到左大富豪客棧啦。」只聽夜車高聲朗
道。
坐落於城南的大富豪客棧是一所三層樓高的大型客棧，佔
地面積二百多，毗鄰金陵高尚住宅區烏衣巷。棧內小橋
流水、亭台樓閣、畫樑飛棟，美侖美奐應有盡有。來這裡
的大部份是來自外地的四仔富商，因此大富豪客棧專設有
音響效果一流的四仔貴賓廳配上大型投射銀幕，以供紳商
們洽談業務和播放四仔樣辦之用。大富豪客棧是金陵第一
大妓院【鷹王院】集團旗下的產業，現任【鷹王院】首席
會長便是金陵赫赫有名，江湖上人稱——天下為公的龜公
楊受成。楊受成的【鷹王院】是金陵頂級銷金窩中之最，
因而楊受成亦是秦淮河響噹噹人物。曾於庚辰、辛巳、壬
午連續三年被《激女時代》選為秦淮河最有影響力人物。
去年癸未年思覺聖上威名席捲神州各地，百姓爭相學思覺
、讀思覺，又加上思覺文化大革命，京城頒令全民學習思
老師的「三個代表」，即——思覺文化要始終成為思覺皇
朝先進社會生產力發展要求的代表，始終成為思覺皇朝先
進文化前進方向的代表，始終成為思覺皇朝最廣大人民利
益的忠實代表。風中相國更嚴令各級省、市、縣、鎮、鄉
官員，要抓緊傳播老師思想工作，宏揚思覺文化為重中之
重。在此風頭火勢下，縱然龜公楊受成能權傾金陵，但亦
不敢僭越老師威名，因此癸未年的秦淮河最有影響力人物
選舉便不了了之。
「五甲級客棧果然不同凡響，斷估唔會有Ｄ仆街金毛夠膽
黎搞事。」大飲茶邊欣賞大富豪客棧的外貌邊道。
「老師，我地將Ｄ眾援咁駛法會唔會唔係咁好？」毛廿三
向老師道。
「你都戇撚鳩鳩，百姓既錢咪即係我既錢，我既思想救贖
曬佢地，而家拎少少黎住好Ｄ都唔係太過份。」老師回答
道。「小Fing子，你入去俾銀兩同我地欏五間天字上房，
同掌櫃講我地要浸酒池肉林，仲有搵件骨妹俾武侯做推拿
。武侯今日多次救我有功，我要好好獎勵佢。記住，唔好
表露身份。」
「遵命，主人。」小Fing子快快答應。
正當小Fing子準備步入客棧之際，一個行人疾快的步向小
Fing子。當行人在小Fing子身旁擦過時，像失了重心似的
向小Fing子靠了一靠。
「對唔住老兄，金陵腳發作。」行人向小Fing子歉意道。
「屌，用愛夫堅啦。好多人妻都叫老公用黎醫治金陵腳。」
小Fing子小許不滿道。
「係既、係既。」行人賠笑著說，然後便加快腳步。
正當行人離開小Fing子十來步後，「你條粉腸撻野，你同
我企響度。」武侯突然大聲喝道，立即跑向該行人。行人
見事敗立即施展輕功拉遠與眾人距離，接著一縱身便躍上
旁邊屋子簷上。武侯見狀立即也飛身追上。行人上了簷頂
後，步法連作了六、七個詭異轉變，以不規則的跳躍距離
轉眼間便擺脫武侯消失落在一堵高牆之後。
「《微波盧步》？」武侯愕然自語道。
「好輕功。」大飲茶這時已剛追來站在武侯身旁道。
「小Fing子快Ｄ睇下唔見乜野。」毛廿三立即說。
「條撚屌將我地由京城帶黎既盤纏立曬，仲塞左本聖經入
包袱度。」小Fing子經點算後向眾人道。
「每次造案後定必留低聖經一本，話想教化世人行善積德
。呢Ｄ就係擅使絕世輕功《微波盧步》——人稱《聖經俠
盜》快盜Ａ既一貫作風。」武侯解釋道。
「咁今晚我地咪要訓街？」大飲茶失聲道。
「快盜Ａ，朕今後同你橕到行，屌你老母臭化西，咒你老
婆仔女。」老師狠狠地望著快盜Ａ遁去的方向切齒道。
「唉，雖然快盜Ａ乃金陵有名劫富濟貧的聖經俠盜，但今
舖累到我冇得沖涼搥骨，我都想一野擰甩佢個頭。」武侯
怨道。
「唉，大家欏曬身上碎銀出黎，睇下大圍有幾多。」毛廿
三提議道。於是眾人紛紛解囊籌旗。
「拿，呢度已經係我全部家當。」武侯把五文錢拿出。
「武侯唔係嘛，臨行前先出左奉祿，而家得果五文錢札袋？」
毛廿三問道。
「我上個月訂左條法蘭西來路T─back，聽講話係路易十四
界女戰衣，全世界得三條，好鬼有珍藏價值，所以咪——」
武侯尷尬道。
「飲茶大人，因乜你又只得六十文錢咁少？」毛廿三轉問
大飲茶。
「唉，上次同條女去京城萬佛寺拜神，我係咁二昅左個問
米婆一眼。條女即場發曬爛渣，返到屋企罰我跪完碎瓦仲
話要扣我零用錢，而家每日得四十文錢上朝。廿文錢車馬
費，十八文錢大思覺茶居特餐，每日先剩到兩文錢私己。
呢六十文錢係綿乾絮濕死慳死抵咁儲番黎，唔係危急存亡
之秋唔會拎出黎。」大飲茶眼有淚光的低頭哭說著。
「唔好咁啦，老師同大家都明既。」毛廿三輕拍著大飲茶
的肩頭安慰道。「我單身寡仔，除左間唔中睇下四仔又唔
鍾意買名牌底衭著，所以我有五兩銀，我全部拎曬出黎。」
眾人遂齊望向小Fing子。
「奴才——奴才——，家有高堂，成日寄錢返鄉下，冇乜
錢剩到。」小Fing子惶恐地說。
「當真？但聽御膳房我Ｄ俾料人講，每次你出宮買繽紛樂
，話買一百條，總係話會係街唔小心跌左十條左右。」大
飲茶懷疑的望著小Fing子，然後在他耳旁低聲說。
「呀，奴才記得啦，剛才奴才離開花生大人衙門時，花生
大人塞左張紙俾奴才，話小小意思希望主人笑納。」小Fing
子猛然醒起狀，隨即在腰帶取出一張搓作一團的紙。
「嘩，成一百兩，花生大人都算唔話得。」毛廿三解開紙
團然後高興道。「今次一齊入去欏房，唔好再有閃失。」
眾人遂齊入大富豪客棧。
「幾位客官黎開房呀，唔知想要乜房？我地大富豪客棧間
間天字上房都有激女伴睇四仔，環杜比立體聲大電視——」
櫃檯後的掌櫃熱情地招呼著五人。
「唔該同我欏五間天字上房，其中一間要專業女推拿，另
外我地想浸下酒池肉林。」老師向掌櫃道。
「呢位客官真識貨，我地大富豪客棧除左四仔觀賞設備冠
絕金陵城外，招牌貨就數到專業女推拿。我地呢度個個專
業女自小就接受推野訓練，推車、推牌九、推巴士、推仔
、推手、推理、推油——可以話無推不精，逢推必贏。天
字上房平時成日爆棚，客官你地今日好彩，剛剛有個湖北
四仔商團因為路上炒車黎唔到，又係五個人。」掌櫃不斷
說著熟練如流的介紹話。「客官請問貴姓，小人同各位作
個登記。」
「漢馬吉寶車。」，「慾其淪。」，「紫羽。」，「版男
根。」，「條條Fing。」四人各自報了假名，小Fing子則
用回入宮前的真姓名。
掌櫃一邊跟各人登記一邊道︰「我地大富豪客棧天字客房
真係又抵又正，人地中國城客棧天字房要成五百兩一晚，
我地就只係收四百八十兩，仲已經包埋伴睇服務，絕對唔
另收其他雜費——」
「掌櫃，我地想要Ｄ一百兩左右既房。同埋我地今晚有大
事商議，想五個人一齊訓，所以要一間就夠。」毛廿三立
即見機道。
「喂，小二，帶呢五條友去一六七號人字房，唔撚駛沖茶。」
掌櫃頭也不回地吩咐伙記道。
「屌，金陵堂堂六朝古都，估唔到服務行業態度咁樣，今
時今日咁既服務態度唔掂。」大家在房中坐定後，大飲茶
怒道。
「我好眼訓訓先，各位早抖。」武侯倒頭便睡。
「武侯大人，著返條面衭先訓會唔會好Ｄ呢？」毛廿三道。
「鼾——鼾—─」武侯已在沉睡夢鄉中。
「朕堂堂天子，黎江南界女竟淪落到要同四條麻甩仔同眠
共枕。」在一片哀怨聲中，五人便各自並排睡去。後人對
此淒涼境況有詩嘆曰︰
『天子寰宇震神州，金陵客棧淺水遊；
君臣同床尋夢去，長夜屎忽撞賓周。』
「邊個！？」就在三更半夜時，大飲茶忽然從睡夢中驚醒
說。「邊個咁撚夜仲鬼叫咁？」大飲茶遂落床推門而出。
房外是一個由房間圍成的天井式小庭院。因這裡是大富豪
客棧最下等的房間，一般富商都不會租用這裡，因而這庭
院四周的房間只老師等人這一間給住著人。此時庭院中間
正飄著一個人影。在矇矓月色影照下，這個黑影有著婀娜
多姿的身段。只見黑影正不斷發出令人毛骨聳然的低吟，
令人不寒而慄。
「何方妖孽，竟敢半夜三更鬼泥咁驚醒我飲茶大爺！」
大飲茶不知來者身份，唯有強作鎮定喝道。
「我屌你個老母臭西大飲茶，嘻嘻嘻嘻——」黑影發出金
屬磨擦般的話聲，這時便往大飲茶方向飄來。廊道的燈光
便由黑影雙腳往臉上慢慢延伸上去。情景煞是詭異。
當廊道的燈光照到黑影臉上時，一張滿臉鬍髯、有菱有角
、粗眉突眼、贅肉橫生的硬漢子臉孔便出現在大飲茶眼瞼
內。正好配合了一句話，天使的身栽襯托著魔鬼的臉孔。
「嘩，屌，人妖呀。」大飲茶驚駭欲絕的後退著，雙膝不
禁發軟。正當大飲茶倒退回到房間門口時，一隻強而有力
的手便從後支橕著他發顫的身軀。
「陰妖派既人妖居士，哈，哈，果然聞名不如見面。」一
身強勁肌肉只穿底衭的武侯在大飲茶背後道。
「嘻嘻，你都幾有型，有冇興趣同我到隔離房打番場有誼
波，嘻嘻嘻嘻——」人妖居士以手托下頷作嬌柔道。「我
既身栽係咪好正、好大波、好索呢？嘻嘻嘻嘻——」
「哈，我會同人妖打波，但只限靚既人妖，你既專容令我
有Ｄ反胃。」武侯哈哈道。
「哼，你班屌撚大禍臨頭仲不知好歹。今日你地要全部死
係我塊大爛田下。」人妖居士發癲道。
「你個死人妖同我去死啦。」這時大飲茶已定過神來，一
腳往人妖居士下身踢去。
「大飲茶小心。」武侯從後警示道。大飲茶一腳如中敗絮
，力入泥牛之海，欲把腳抽回卻力不從心。更令人恐怖的
是，全身精力直從腳往人妖居士下身洩去。在後邊用手搭
著大飲茶肩頭的武侯亦受波及，內力不斷給吸蝕。
「嘻嘻嘻嘻——，我既《含膿在田》係咪令你地好舒服呀
？嘻嘻嘻嘻——」人妖居士一邊吸食兩人男人精氣一邊道。
「休傷朕愛卿！」老師這時突然用沾滿鼻屎的臭腳往人妖
居士臉上踢去。
「啍，等我吸乾你個狗皇帝。」人妖居士不忌老師鼻屎臭
腳，張口便含著老師的腳掌。人妖居士待要吸老師精力時
，發覺老師精力滴滴斷續難以吸取，便稍為分神的勉力吸
著。就是這一分神，便給武侯瞬間喘息機會，立運《火焰
蝦蟆功》的火焰內力，反客為主的直往人妖居士塊大爛田
送去。
「呀~~~~~~，我塊田呀——」火焰內力煮鐵熔金的熱力把
人妖灼得直叫。武侯得勢不饒人，加強火焰內力，只見人
妖給灼得下體冒出陣陣白煙，氣味中人欲嘔。因為人妖居
士的《含膿在田》會全數吸取男人精氣內力，因此武侯的
火焰勁便全數不漏的只往人妖塊爛田輸去，老師和大飲茶
卻不受影響。不消半，武侯火焰勁力已把人妖燒得雙眼
發直，豐滿的身栽已變成百歲老人的乾癟朽軀。武侯見人
妖居士已氣絕，便撤回火焰內力。
「人妖居士本為男姓，橫行江西一帶，以靠吸食男人精血
內力以陽制陽來變作女人身段。江西不少名士英雄已慘遭
其毒手，煙蟲鏢局主人雨之煙蟲就係俾佢害死全家。今日
本武侯親手除去此兇獠，亦算為民間去一大害。」武侯散
功後對老師道。
「但係我地同人妖居士無仇無怨，佢點解要造我地？」大
飲茶稍息後問道。
「先係金陵懸衙皇榜調包，今而再給人妖上門搞事。兩件
事表面雖無關係，但我總係形住背後有人唔妥我地。」一
直在旁沒法幫上忙的毛廿三這時分析道。
「唔通有人衝著主人黎搞野？」小Fing子此時也道。
「朕係最撚勁，邊個敢打鳩朕，下場就係呢條人妖一樣。」
老師此時已回氣道。
「人妖居士恃田橫行，今日卻反因自己塊爛田而橫死，正
係天理循環報應不爽。」武侯背負雙手望天嘆息道。
眾人善後便各自睡去，一宿再無他話。
一覺醒來，用過早點後，老師便問各人道︰「人地話安樂
寺菩薩好靈，所以我今日諗住去果度拜拜神，希望可以早
日界到極品女。你地點睇？」
「安樂寺係金陵出名古剎，黎到點都要去行下。」武侯道。
眾人遂離開客棧直往安樂寺前去。
安樂寺是位於烏衣巷附近的南朝名剎，眾人步行不消半個
時辰便已抵達。據說大畫家張僧繇便曾為安樂寺於壁上作
畫四條不點睛白龍，並解釋如一旦點睛白龍便會飛去。眾
人不信並堅持要他為白龍點睛，結果給點睛兩白龍不久便
雷電破壁騰空飛去，只剩下兩條未點睛白龍於壁上。此時
正是早上辰時時份，天朗氣清，來寺參拜問卜的善男信女
絡繹不絕。寺前設了不少攤檔，大部份均是替人解籤看相
問佔的。中間也夾雜著一些叫賣地方小吃、畫像、書法刻
章的檔子。更有不少冰糖葫蘆、神話人物藝術品的販子在
人流中大聲叫賣，氣氛好不熱鬧。入到寺內，只見壁上有
四條未點睛白龍畫得栩栩如生，眾人皆讚嘆。
「名剎即係名剎，氣氛果然唔同。」毛廿三道。
「大家快Ｄ去裝炷香先啦。」大飲茶急道。
「菩薩保以後終身能永遠侍奉皇上左右。」、「菩薩保
以後不斷有名牌底底著到。」、「菩薩保我返到屋企
以後唔駛頂痰罐跪碎瓦，又可以加到一百文零用錢一日。」
、「菩薩保以後可以睇到極正四仔。」、「菩薩都唔夠
朕勁，朕係最撚勁，哈哈——─」眾人來到正殿佛前裝香
，各自心內祈求自己心願。
「小姐，小心睇路。」一個婢女模樣的女子，手臂挽著香
燭籃子，小心奕奕的扶著另一個女子跨過正殿門前大檻。
「Gaaare erare aireoueui〔德文，絕不是英文〕（翻譯︰
你地班仆街快撚Ｄ行開，咪撚阻住我地小姐拜神。）」一
個說著不知什麼語言的柒頭小子領在兩女前頭向老師一行
人大嚷著。
「你乜鳩呀撚樣？」大飲茶回頭道。
「Pls fuck my mom my dad (你班撚樣德文都唔撚識，冇
資格同本大爺講野，快Ｄ行鳩開。」柒頭小子堅持說著大
家聽不懂的言語。
「哈，哈，呢班粗人點會識高深代表品德地位人格學識高
尚既德文呢。」婢女在德文柒頭小子後面笑道。
「邊個夠膽話我係粗人。」老師也回頭道。出現在老師眼
中的，是一個有代表著不向惡勢力低頭的緊閉雙唇、做事
堅定不移的王小虎眉、為人剛勁爽朗的粗硬短髮和對人豪
情萬丈的外露鼻孔的美少女。一股電流在老師心頭掠過。
一段驚天地、泣鬼神、有著史詩式浪漫情懷的愛情故事便
在此刻誕生了。亞們。
欲知此女為何人？請聽下回分曉。
0 Response to "第三回——魑魅魍魎客棧授首 安樂寺初遇俏梨花"
張貼留言